Ginabati-bati nga bukas ang Los Angeles Lakers sa posibilidad nga pilion si Bronny James sa 2024 NBA draft agud nga makaupod sini sa hampang ang iya amay nga si Lakers superstar LeBron James.
Suno sa reports, iconsider sang Lakers ang option nga buligan si LeBron nga matuman ang handom nga mangin teammates sila sang iya anak paagi sa NBA draft sa Hunyo ukon bilang undrafted free agent.
Ginalauman nga si James ang magahampang pa sang duha ka seasons samtang nagapatapos na ang iya Hall of Fame career.
Kahapon, na-eliminate na si James kag ang Lakers sa first round sang playoffs matapos nga ginlutos sang defending champion nga Denver Nuggets sa Game 5.
