OTON, ILOILO– Depresyon ang ginatudlo nga rason sang pagpanginmatay sang isa ka lalaki sa Oton, Iloilo.
Ang biktima amo si Paul Dominic Solinap, 24 anyos, residente sang Brgy. Alegre, Oton, Iloilo.
Sa interview sang Bombo Radyo kay Police Major Gervenson Muyo, hepe sang Oton Municipal Police Station, iya ginpahayag nga nakit-an na lang nga nagabitay sa ila hagdan ang biktima kag may nahigot nga dogchain sa iya liog.
Suno sa hepe, lubos nga ginbatyag sang biktima ang pagbulag sa iya sang iya kalive-in partner isa ka bulan na ang nagligad kag ginapatihan nga amo ang kabangdanan sang pagpanginmatay sini.
