Isa ka 67-anyos nga lalaki sa Chengdu, China ang natukiban nga may lighter sa sulod sang iya nga tiyan sa sulod sang 30 ka tuig.
Suno sa report, sang dekada 90, gintulon ni Deng ang lighter bilang kabahin sang “dare” sang iya mga abyan.
Matapos ang insidente, gindumdom niya nga napagwa man niya ini sa iya higko sa tion nga siya ang magpamuhin gani wala ini nanugid sa iya pamilya.
Tubtob nga nag-eksperyensiya ini sang tuman nga pagsakit sang tiyan.
Didto na ini kag gindala sa doctor kag natukiban nga yara pa ang lighter.
Ginpaidalom ini sa operasyon agud makuha ang lighter gikan sa tiyan.
Matapos makuha, ginkakibot nila nga sarang pa magsiga ang lighter.
Paathag sang mga eksperto, human sa mapag-on nga plastik (polypropylene o ABS) ang casing sang lighter gani wala ini natunaw sang stomach acid sa sulod sang tatlo ka dekada.
