Nagapangatubang sang kaso nga paglapas sa Republic Act 9165 ukon ang Comprehensive Dangerous Drugs Act of 2002 ang isa ka durugista nga nadakpan sa drug buy-bust operation sa Plaza Libertad, Brgy. Zamora-Melliza, Iloilo City Proper.
Ang arestado amo si Vicente Sarsowa, 40 kag residente sang nasambit nga lugar.
Sa interview sang Bombo Radyo kay Police Major Mark Evan Salvo, hepe sang Police Station 1, iya ginpahayag nga narekober sa posisyon ni Sarsowa ang tatlo ka sachet sang suspected shabu nga nagabalor sang P3,100.
Ginpahayag ni Salvo nga base sa ila inisyal nga imbestigasyon, nakaagi na dakop ang amo nga durugista sa isa man ka drug buy-bust operation sang 2017.
Sa subong, preso na sa Iloilo City Police Station 1 si Sarsowa.
