ILOILO CITY- Balik sa presuhan ang isa ka lalaki matapos nadakpan sa drug buy bust operation sa Blk. 7, Brgy Sinikway, Lapuz, Iloilo City.
Ang arestado nga subject amo si France Arias, 27, residente sang lugar.
Nabaklan ini sang duha ka sachet sang suspected shabu sa balor nga P10,000.
Nakuhaan pa gid ini sang dugang nga 32 ka sachets sang suspected shabu.
Preso na ini subong sa La Paz Police Station kag natalana nga pasakaan sang kaso nga paglapas sa Comprehensive Dangerous Drugs Act of 2002.
Si Arias ang napreso na sadto bangud sa kaso may kaangtanan sa illegal drugs apang nakagwa sang 2020.
Sa interview naman sang Bombo Radyo kay Punong Barangay Corazon Coo, iya ginpahayag nga siya mismo ang nag-asikaso nga makagwa sa presuhan si Arias.
Suno ka Coo, matapos nakagwa, ginpaandaman sini si Arias nga indi na magbalik sa iligal nga buluhaton apang wala gid ini nagpamati.
