LEON, ILOILO – Gindakop ang isa ka persona bangud sa paglapas sa Republic Aact 9516 ukon illegal possession of firearms and explosives sa Leon, Iloilo.
Ang arestado ang ginkilala nga si Jerry Canjas, 28, sang Brgy. Salngan, Leon, Iloilo.
Sa interview sang Bombo Radyo kay Police Captain Sotero Paguntalan, hepe sang Leon Municipal Police Station, iya ginpahayag nga naga-inom-inom sanday Canjas kag Arlo Cahayon, 34, sang nasambit nga lugar, sang hinali lang naglisensya ang ang arestado nga magpauli.
Didto na nadiskubrehan ni Cahayon suno kay Paguntalan nga wala na ang iya wallet sa ibabaw sang lamesa rason nga ginpamangkot niya si Canjas.
Hinali lang nga nagkuha sang granada si Cajan nga iya dala sa bulsa.
Nagpukutay naman ang duha rason nga nahulog ang granada kag maswerte nga wala naglupok.
Yara naman sa paghinakop sang Explosive Ordnance Division (EOD) ang nasambit nga granada.
Magapangatubang sang mga kaso nga attempting to use explosives kag paglapas sa COMELEC gunban si Canjas.
