ILOILO CITY – Gin-ako sang durugista nga naga gamit ini sang iligal nga droga matapos nga nadakpan sa isa ka drug buy bust operation sa Barangay Airport, Mandurriao, Iloilo City.
Ang subject amo si Brian Godfred Matorre sang LaPaz sa syudad sang Iloilo.
Sa interview sang Bombo Radyo kay Matorre, iya ginpahayag nga nagagamit lang siya kag wala nagabaligya sang shabu.
Upod man niya ang nobya sa pagpatigayon sang iligal nga aktibidad sa mga lodging house.
Suno sa subject, sa Bacolod City nagahalin ang iligal nga droga nga gina-deliver sa iya.
Nahibaluan nga pulo ka sachet sang ginapatihan shabu ang nakuha kay Matorre.
