SAUDI ARABIA – Atensyon sa mga kalalakihan!
Sa pungsod Saudi Arabia, isa ka egyptian nga lalaki ang gin-dakup sang mga otoridad matapos nga nag upod lamang ini sa pagpamahaw sa isa ka babayi sa Jeddah hotel.
Nakit-an sa social media ang short video nga ginpost ni Bahaa nga ginpakamalaot sang mga tawo sa nasambit nga pungsod.
Ang ini ng sahi nga lihok amo ang paglapas sa layi sa Saudi Arabia sa diin nasaad nga ang mga kalan-an kag ginatrabahuan ang may separado nga lugar para sa mga lalaki kag babayi.
Depensa naman ni Bahaa, wala sang malain sa nangin lihok nila sang iya co-worker bangud nagakaon lamang sila sang pamahaw.
Mahimo naman nga ma deport ang lalaki bangud sa ginakabig sala nga iya ginhimo.
