Nagapadayon ang imbestigasyon sang mga otoridad natuhoy sa ginapahayag paghikog sang isa ka lalaki sa Zone 1, Jereos, La Paz, Iloilo City.
Ang biktima amo si Rodolfo Pacion Jr., naga-renta sa isa ka boarding house sa nasambit nga lugar.
Sa interview sang Bombo Radyo kay Police Senior Master Sergeant (PSMS) Alme Verle Marie Gabawa, imbestigador sang La Paz Police Station, iya ginpahayag nga Sabado pa sang ulihi nga nakit-an sang mga kasilingan ang lalaki.
Suno kay Gabawa, indi pa matumod kun may foul play nga natabo sa insidente.
Ginapahayag naggamit ang biktima sang habol sang ginbitay sini ang kaugalingon sa likod sang pwertahan sang iya hulot.
