Pamilyar ka man bala sa babaye nga nagtulog sa sulod sang madugay nga panahon kag nangin bantog sa pangalan nga sleeping beauty?
Sa India, lalaki naman ang nag-ala sleeping beauty bangud sa pinasahi sini nga balatian nga ginatunaan sang pagtulog niya sa sulod 300 ka-adlaw.
Siya amo si Purkharam, isa ka middle aged nga lalaki, residente sang Bhadwa Village, Rajasthan, India, kag nagasuprir sa balatian nga “HPA axis hypersomnia”.
23 ka-tuig na ang nakaligad sang una nga nadiagnose sa amo nga rare disorder ang lalaki sa diin humalin sa masobra 15 ka-oras nga pagtulog, naglala pa ini sa 25 ka-adlaw, kag sa subong, nagadangat na sa halos 300 ka-adlaw ang pagtulog ni Purkahanam tuga sang iya balatian.
Sa subong, wala pa sang bulong para sa balatian sang lalaki sa diin ang iya gintestingan nga mga treatment ang may yara sang side-effects kaangay sang fatigue kag pagsakit sang ulo.
Apang sa pihak sini, kumbinisido man ang pamilya sang lalaki nga maabot ang adlaw, nga mabalik pa sa normal ang kabuhi sini.
