Patay ang isa ka lalaki matapos ginbuno sang iya utod kag kag ginlampos pa ang ulo sini sa dingding.
Base sa report, ginpahayag nga natabu ang krimen sa balay sang mag-utod sa Barangay Bari, Mangaldan, Pangasinan.
Suno sa kapulisan, naakig ang suspek nga si Rafael Caoile matapos ginpukaw sang utod nga si Monny Caoile, 44-anyos.
Nahibaluan nga nagkadto si Monny sa kwarto sang suspek nga si Rafael kag ginpukaw agud ipahibalo sa suspek nga gindala na sa ospital ang iya anak bangud nabudlayan ini sa pagginhawa.
Sang nagbalik ang biktima sa iya kwarto, ginpahayag sang iloy sang mag-utod nga si Flora nga ginsulod ni Rafael ang kwarto ni Monny kag didto ginbuno ang biktima.
Sa pihak sang mga igo sang pagbuno, nakadalagan pa gwa sa balay si Monny agud magpangayo sang bulig apang ginsunod ini sang suspek kag dayon naigo ang iya ulo sa dingding.
Ginbawian gid sang kabuhi ang biktima.
Nahibaluan nga antes natabo ang krimen, nag-inom pa ang biktima.
Suno kay Police Captain, Vicente Abrazaldo sang Mangaldan Police Station, ginpasakaan na sang kaso nga homicide ang suspek.
