Pilason ang isa ka lalaki matapos ginlabo sang iya pakaisa sa brgy. Cubay, San Dionisio,Iloilo.
Ang biktima amo si Joey Martinez,46 anyos,kag isa ka mangunguma samtang ang suspek amo si Jhony Martinez,legal ang edad kag lunsay residente sang nasambit nga lugar.
Sa interview sang Bombo Radyo kay Police Staff Sergeant Kenneth Naranjo, imbestigador sang San Dionisio Municipal Police Station, iya ginpahayag nga ginkompronta sang biktima ang suspek tuhoy sa basura nga nagalinapta sa iya umahan nga nahamtang malapit lang sa puluy-an sang suspek.
Suno kay Naranjo, ginbuyayaw sang biktima ang suspek rason nga naimpito ini kag hinali lang nga ginlabo sang binangon ang iya pakaisa.
Pilas sa likod, abaga kag kamot ang naangkon sang biktima.
Nagsungka naman sa otoridad ang suspek.
