ILOILO CITY- Ano ang sarang mo himuon bilang pagbalos kun ikaw ang ginkawatan?
Mangawat ka man bala sang butang nga ginkawat gikan sa imo?
Kalabanan ang magasabat nga indi.
Apang sa Japan, isa ka tigulang ang gin-aresto sang Japanese Police bangud sa gina-alegar pagkawat sang indi magnubo sa 5800 ka bicycle seats bilang pamaagi niya agud magtimalos para sa nagkawat sang pulungkuan sang iya bike.
Gindakop si Akio Hatori bangud sa pagkawat sang mga bicycle seat sa diin nakita sa surveillance camera footage nga ginakuha niya ang pulungkuan sang mga bike.
Apang, sa indi maayo nga palad, nangayo sang bulig sang pulis ang iya biktima kag gin-imbestigaran ang natabo.
Sang nakilala sang mga officer si Hatori kag ginraid ang iya balay, ang ila lang ginlauman amo ang isa ka pulungkuan apang nakibot sila sa nakita ang tuman ka damo nga bangko sang bike.
Suno kay Akio, luyag man niya nga mabatyagan sang iban ang kasakit nga madulaan sang pulungkuan ang iya bike.
Ginpreso naman ini bangud sa iya ginhimo.
