ILOILO CITY – Patay ang isa ka lalaki matapos ginluthang sang kaupod sini sa trabaho sa Cubay-Napultan, Sibalom Antique.
Ang biktima amu si Jodel Tagudin, 20 anyos, soltero, laborer kag residente sang Brgy. Lupa-an, Laua-an, Antique.
Suno sa mga otoridad, sakay sa truck ang biktima kag ang suspek nga si alyas Mark.
Nagbaisay ang mga ini rason nga ginluthang ni Mark ang biktima sa li-og nga gintunaan sang iya kamatayon.
Padayon naman nga ginapangita sang mga otoridad ang suspek nga nagpalagyo matapos ang insidente.