ILOILO CITY- Patay ang isa ka lalaki matapos gintiro sang riding in tandem suspects sa MV Hechanova, Jaro, Iloilo City.
Ang biktima amo si Elezer Galon, legal ang edad kag residente sang Tanza Esperanza, Iloilo City Proper.
Sa interview sang Bombo Radyo kay alyas Jerjer, utod sang biktima, iya ginpahayag nga mabayad kuntani sang iya gin-utang nga motorsiklo sa Jaro, Iloilo City ang iya magulang.
Sa inisyal nga pagpangusisa, nakaangkon ang biktima sang lima ka igo sang bala sa ulo kag duha ka igo sang bala sa kamot.
Sa subong, padayon pa ang imbestigasyon sang Jaro Police Station sa insidente.
