Patay ang lalaki matapos ginpaarakan luthang sang wala pa makilal-an nga mga suspek sa Barangay Banban, Lambunao, Iloilo.
Ang biktima amo si Arnel Silva, 40 anyos ang edad.
Sa interview sang Bombo Radyo kay PCorp. Edran Lozarita, imbestigador sang Lambunao Municipal Police Station, iya ginpahayag nga samtang nagapahuway sa tyangge si Silva, ginkadto-an siya sang duha ka mga lalaki sakay sa motorsiklo.
Ang mga suspek ang naka-jacket kag naka-bonet suno kay Lozarita.
Nanaog ang backrider sa motorsiklo kag nagpaarak luthang sa biktima sa diin 12 ka igo sa nagkalain-lain nga bahin sang lawas ang naangkon sini.
Padayon pa nga gina-usisa sang kapulisan ang motibo sa krimen.
