ILOILO CITY- Paano ayhan kun ang imo pangasawahon may mga kapid?
Ok man lang siguro,wala man problema.
Pero paano kun indi ini gusto nga mapahilayo sa iya kapid,ano ang himuon mo?
Didto sa Congo,may isa ka lalaki nga si Luwizo nga mapakasal kuntani sa iya nobya nga si Natalie.
Si Natalie isa sa tatlo ka triplets kun sa diin utod niya sanday Natasha kag Nadege kag sila ang lunsay identical.
Matapos nga nagkitaay si Natalie kag Luwizo sa social media kag na-inlove sa isa kag isa, ginpahayag nga gin-chat man sang duha pa gid ka kapid si Luwizo kag sa iya pagdumdom, ang nobya lang niya ang naga-chat.
Didto kag nahulog man ang buot sa iya sang duha pa gid ka utod ni Natalie.
Kag sang gintuad nila nga triplets gali sila kag tanan luyag nga pakaslan siya,wala na ini makapamalibad bangud nga nahulog man ang buot niya sa tatlo.
Ang ila desisyon, magpakasal nalang– natural, tatlo ang bride kag isa ka groom.
Apisar wala nagpasugot ang ginikanan sang lalaki,wala na sila sang nahimo kag nadayon gid ang kasal.
