ILOILO CITY- Ka-Bombo, isa sa pinakamatahum nga talan-awon siguro amo ang mga humay sa talamnan nga simbolo sang kapisan sang mga mangunguma.
Apang maapresyar mo ayhan ang humay kun nagatubo ini nga indi sa talamnan, indi man sa hardin ukon sa paso kundi sa ulo sang tawo?
May yara sang isa ka lalaki sa India nga nagtanom sang humay sa iya ulo.
Ang iya ginhimo, ginputos niya ang iya ulo sa tela kag ginbutangan sang duta kun sa diin mahimo magtubo ang humay kag nagatubo gid man ini.
Ginabunyagan man niya gani ini.
Para sa iya, ginhimo niya ini agud ipakita nga ang iya ulo ang simbolo sang vitality kag gina-engganyo man niya ang iban nga magsunod man sa iya.
Kun tion naman sang tig-alani, ginakolekta man niya ang humay kag ginaluto kag nagatanom liwat sang bag-o nga humay sa iya ulo.
Gin-ako man niya nga isa sa pinakamabudlay nga sakripisyo niya agud magtubo sang maayo ang humay amo nga kinahanglan niya nga magtulog samtang nagapungko.
