LAMBUNAO, ILOILO– Padayon nga ginapangita ang suspek sa pagluthang sa isa ka lalaki sa Brgy. Tubungan, Lambunao, Iloilo matapos ini ang nagtambag lang sa naga maoy nga lalaki.
Ang suspek ginkilala si Joe Marie Mandate, 37 anyos kag ang biktima amo si Dave Gonzales, 28 anyos nga live in partner sang utod sang suspek, lunsay residente sang nasambit nga lugar.
Sa interview sang Bombo Radyo kay Patrol Man Risan Larroza, iya ginpahayag nga nag inom-inom pa ang suspek bag-o ini magmaoy bangud sa tuman nga kahubog.
Suno kay Larroza, may yara na sang record ang suspek sa pareho man nga kaso sang una.
Nahibaluan nga gin-gamit sa krimen ang isa ka shotgun apang wala pa nahibaluan kun ini ang gina panag-iyahan sang suspek.
Sa subong padayon nga ginapangita sang mga kapulisan si Mandate samtang desidido naman ang biktima nga pasakaan sang kaso ang suspek.
Padayon man nga nagarecover ang biktima sa mga pilas nga iya na agom sa iya nawala nga abaga, wala nga balikawang kag wala nga pa-a.
