Iloilo – May yara na sang duha ka persons of interest ang Estancia Municipal Station sa pagpangluthang patay sa isa ka lalaki sa sulod sang iya balay.
Ang napatay amo si Zaldy Cabuyoc, 55, kag residente sang Barangay Botongon, Estancia, Iloilo.
Sa interview sang Bombo Radyo kay Police Captain Arniel Buraga, hepe sang Estancia Municipal Station, iya ginpahayag nga padayon sa gihapon ang ginpatigayon nga hot pursuit operation sang mga kapulisan agud madakpan ang mga suspek.
Ginapahayag nga ang duha ka mga persons of interest ang pangayaw sa lugar kag ginakabig nga isolated incident ang natabo.
Suno kay Buraga, posible nga pagbinauisay sa lupa kag balay ang motibo sa pagpangluthang sang mga suspetsado.
Ginahulat man sang Estancia PNP ang resulta sa nangin imbestigasyon nagikan sa Scene of the Crime Operation.
