Nabawi sang kapulisan ang kulintas nga ginkawat sang isa ka lalaki bisan pa nga gintulon niya ini.
Natabo ini sa Auckland, New Zealand.
Base sa imbestigasyon, nagsulod ang suspek sa baligyaan sang alahas kag gin-akusahan ini nga nagkuha sang Fabergé James Bond Octopussy Egg pendant kag gintulon gilayon.
Sang nagresponde ang mga pulis, ginpaidalom ini sa medical assessment.
Didto na ini ginhulat nga magpamuhin agud mapagwa ang kulintas sa iya lawas.
Nangin positibo naman ang resulta bangud nag-upod sa iya higko ang Fabergé locket nga nagabalor sang kapin US$33,500 ukon yara sa ₱1,115,946.
Igabalik naman ang pendant sa jewelry store matapos ang mga ginakinahanglan nga proseso.
Nag-atubang na sa korte ang akusado kag wala na nag-apelar sang plea sa kaso nga theft batok sa iya.
