ILOILO – Kritikal ang kondisyon sang isa ka driver sang motorsiklo matapos nakabunggo sa van sa barangay Aripdip, San Rafael, Iloilo.
Ang driver sang motorsiklo amo si Kyd Apelo, 19, residente sang Sto. Rosario, Anilao, Iloilo kag naka-angkon sang pilas sa liog.
Samtang ang driver sang Van amo si Leoncito Narciso Jr. Sang Lemery, Iloilo.
Sa interview sang Bombo Radyo kay Police Lt. Jaime Dequillo, Deputy Chief of Police sang San Rafael Municipal Police Station, iya ginpahayag nga madasig ang pagmaneho sang driver sang motorsiklo tubtub nagsumalang kag nagbunggo sa van.
Suno kay Dequillo, naghalin sa Lemery, Iloilo si Apelo kag padulong sa San Rafael, Iloilo sang nakabunggo sa Van nga naghalin sa syudad sang Iloilo.
Ginpahayag ni Dequillo, nga isa ka pasahero sang van ang napilasan sa guya matapos na aksidente.
Ini amo si Aicy Salundagit sang Compania Central, Molo, Iloilo City.
Sa subong napabilin sa ospital ang mga biktima.
