Kun sadto lunsay mga gamit lang ang gina-arkilahan apang sa subong mangin ang tawo ang gina-arkilahan naman.
Wala ka bala sang nobya ukon nobyo?
Luyag mo bala ma-eksperyensyahan nga mag-date?
Indi magkabalaka bangud may yara sang isa ka kompaniya sa Taiwan nga mahimo ka makaarkila sang imo mangin girlfriend ukon boyfriend sa sulod sang tatlo ka oras.
Bangud sini, isa ka lalaki nga amo si Chen ang nagbayad sang 7,200 Taiwanese dollars ukon P12,345 agud lang nga makaangkon ini sang nobya apisar sa malip-ot lang nga tion.
Ang serbisyo ang limitado lamang sa diin mahimo sang kliyente nga ma-uyatan ang kamot sang iya gin-arkilahan nga nobya, mahimo man sini mahikap ang buhok kag makup-an apang indi sini mahimo nga halukan ang babaye ukon uyatan ang iya pribado nga lawas.
Nagkitaay si Chen kag ang iya nobya sa Taipei Main Station para saila tatlo ka oras nga date.
Nangin matawhay man ang unanga oras sang ila pag-updanaytubtob nga nagdesisyon si Chen nga maglakat-lakat sa park.
Ginkakibot na lang sang babaye ang mga ginabuy-an nga tinaga ni Chen sa iya tubtob nga gin-uyatan na sang lalaki ang iya nga paa.
Bangud sa kakulba kag wala man ini sang madalagan nga tawo agud magpangayo sang bulig, wala sang choice ang babaye kag ginpabay-an lang sini ang mga ginahimo sa iya ni Chen.
Apang pagkatapos sang tatlo ka oras, ginrespeto man ni Chen ang kontrata kag ginpalakat na ang babaye.
Sa pagdumdom ni Chen, wala sang nangin problema sa babaye apang nagpadulong sa police station ang amo nga babaye kag gin-report ang ginhimo ni Chen sa iya.
Gilayon nga gindakop si Chen kag nagpangayo man ini sang pasaylo sa gin-arkilahan niya nga nobya.
Magluwas sa pagka-preso, ginapabaydan man ini sang multa nga nagabalor 180,000 Taiwanese dollars ukon P308,488.
