Lalaki nagbutang sang hidden camera sa iya nga kwarto kag natukiban nga adlaw-adlaw, nagatulog ang iya hinuptanan nga kuring sa iya nga nawong

THAILAND – Mahilig ka bala sa kuring?

Ang lalaki sa Thailand nga si Lomphonten Lomphontan ang nagdesisyon nga magbutang sang hidden camera sa sulod sang iya nga kwarto agud nga mabantayan kag mahibaluan kun ano ang ginahimo sang iya alaga nga kuring samtang yara siya sa trabaho.

Nakibot na lamang si Lomphonten nga sa kada gab-i, nagatulog ang kuring sa iya nga nawong.
Nangin routine na sang kuring nga tulogan ang nawong sang iya amo.

Magluwas sini, daw kaangay nga nakahibalo man ang kuring nga mag hampang kag maglango-lango sa atubang sang camera.

Mas ginplangga naman ni Lomphonten ang iya nga kuring bangud sa nangin lihok sini sa diin nangin bantog ang mga ini sa bilog nga kalibutan bangud sa naglapta nila nga mga pictures.