Nagbyahe sang masobra 900 kilometro ang isa ka lalaki sa pungsod China agud magpangita sang obra, apang wala gid ini mabaton bangud sa porma sang iya nawong nga “square.”
Ini amo si G. Zhang nga makapila na ka beses magpangita sang obra kag nagaisahanon nga nagatrabaho para sa iya pamilya agud masuportahan ang iya tigulang nga mga ginikanan.
Matapos ini maghalin sa Zhumadian sa Henan Province padulong sa Jiashan County sa Zhejiang, kun sa diin ginbalibaran siya sang kapin sa napulo ka electronics factories apisar pa nga kwalipikado siya sa trabaho nga iya gina-applyan.
Suno kay Zhang, may mga job interviewer nga direkta nga nagsiling nga indi siya angayan bangud sang iya nawong, nga nagahatag sa iya sang kahuy-anan kag sakit sang buot.
Nagapakita lamang ini sang diskriminasyon base sa pisikal nga aspeto sa pagkuha sang empleyado, kun sa diin ginahimo nga basehan ang hitsura imbes nga abilidad kag kaalam sang tawo.
