Sa paghigugma, wala pili — wala edad, wala gender, wala sang maniwang ukon matambok, wala sang manggaranon ukon imol.
Kun paghigugma na ang hambalan, may ara kita sang mga makabuluang nga istorya nga haluson mapatihan sang iban apang siling gani sa Misteryo, “matuod nga nagakatabo.”
Didto sa Indonesia, viral ang isa ka lalaki matapos ini nagpakasal sa iya nga rice cooker.
Suno kay Khoirul Anam nga residente sang Magelang, Java, ‘fair, masinulundon, hipuson, kag makahibalo magluto’ ang iya nga rice cooker gani nga ginpakaslan niya ini.
Sa ila kasal, nakasuksok sang traditional white wedding attire si Anam samtang ang iya naman nga electrical “bride” ang may yara man sang pandong nga puti.
Nagsumpa pa ang duha kag nag-kiss pa si Anam sa iya nga rice cooker.
Kun indi ka magpati sa sini, abaw, ano na lang abi sa sugpon sa sining ila nga istorya?
Apat ka adlaw ang nagligad, nagpahibalo si Anam nga divorced na sila sang iya nga asawa.
Suno sa natungdan, mabug-at man ang iya nga desisyon apang na-realisar niya nga wala sang perpekto nga partner para sa iya.
