SAN FRANCISCO– Sarang mo bala mag tinir sa tunga sang lawod sa masobra ka duha ka bulan?
Pareho ka man bala sang sikat nga karakter nga si Moana nga mahuyugon magswimming kag mag tinir sa dagat?
Didto sa San Francisco may yara isa ka lalaki nga daw paryente ni Moana bangud nasarangan niya nga mag tinir sa tunga sang lawod sa sulod sang 76 ka adlaw.
Ang lalaki gin kilala si Antonio De La Rosa, 50 sang Spain ang gintanyag pinaka una nga tawo nga nag stand up paddleboard halin sa California pakadto sa Hawaii nga may kaluyuon nga 2,500 miles sa sulod sang 76 ka adlaw.
Paano ayhan nasarangan ni De la Rosa nga mag tinir sa tunga sang kalalawran.
Nag trending naman ang Vlog natuhoy sa iya nangin byahe pakadto sa Hawaii nga gin post ni Antonio sa iya nga social media kun sa diin ginkabiliban man sang mga netizens ang iya kaisog kag dedikasyon.
