Arestado ang isa ka lalaki matapos siya nga mangholdap gamit ang pellet gun apang wala nagmadinalag-on matapos siya gindamhagan sang iya biktima sa Barangay Santa Maria, Zamboanga City.
Ginpahayag nga yara sa parking lot ang duha ka biktima sang gintayaan sila sang pusil sang lalaki nga nakamotorsiklo.
Base sa imbestigasyon, ginkuha niya ang ila nga cellphone kag wallet.
Sang nasulod na sang suspek ang pusil sa iya hawak, didto na ini gindamhagan sang isa sa mga biktima.
Nadakpan ang suspek matapos nagresponde ang mga tanod kag pulis.
Nakuha sa suspek ang pusil nga isa man lang gali ka pellet gun.
