ILOILO– Naga hilibion kag naga hinulsol ang isa ka lalaki sang ini ang gin aresto matapos nga mangkumos sang dughan sang isa ka menor de edad sa Brgy. Ungka, Jaro, Iloilo.
Ang arestado ginkilala nga si Aljon Jimenez, 23 anyos ,tumandok sang Barotac Viejo apang temporaryo nga naga puyo sa isa ka boarding house sa Ungka, Pavia, Iloilo kun sa diin naga dayon man ang biktima.
Sa interview sang Bombo Radyo kay Aljon Jimenez, iya ginpahayag nga sya mismo ang nagtandog sang dughan sang menor de edad apang suno sa iya wala niya ini gin kumos.
Ginklaro ni Jimenez nga ginhurikap niya lang ini kag suno sa natungdan, nagwapahan lang sya kag triping lang niya kuntani nga hikapon ang dughan sang dalagita sang ini naglabay sa atubang niya samtang sya ang nagapanabon sang iya nga motor.
Nagahilibion naman ang arestado samtang nagapangayo sang pasaylo sa biktima kag sa iya man nga live in partner.
Suno kay Jimenez, nangin leksyon ini sa iya kag nangako nga indi na niya ini pagliwaton.
