ILOILO CITY – Nasapwan nga nakabitay na ang isa ka lalaki sa puno sang talisay sa Sto. Niño Norte, Arevalo, Iloilo.
Ang biktima ang ginkilala kay Alyas Fourth, 27 anyos.
Sa interview sang Bombo Radyo kay Anabelle Tamorete, tag-iya sang boarding house nga ginatiniran sang biktima, iya ginpahayag nga sang ginpasiga niya ang suga, iya natukiban si Fourth nga nagabitay na sa puno sang talisay.
Ang puno ang nahamtang sa kilid lamang sang boarding house.
May yara sang posibilidad nga buhi pa ang biktima suno sa mga pulis bangud nga mainit pa ang likod sini apang matugnaw ang iya nga atubang nga bahin sang lawas.
Antes pa man natabo ang paghikog ni Fourth, nag inom-inom pa ini upod ang iya nga ka live in partner kag iban nga mga abyan.
Ginapahayag nga wala lamang sang dugay nga nagbitay si Fourth sang siya ang natukiban.
Mahimo nga ang rason sang paghikog sang biktima amo ang problema sa ila relasyon sang iya ka live in partner.
Sa subong, yara na sa ospital ang biktima agud mahibaluan ang iya nga kahimtangan.
