ILOILO CITY– Nagatiskog, Nagapalanggit-om kag wala na sang kabuhi ang isa ka lalaki nga nasapwan sa isa ka Bath house sa Iloilo Terminal Market nga sakop sang Rizal Pala-Pala II Iloilo City Proper.
Ang biktima ang ginkilala nga si Ernesto Montoya, 43 anyos kag tumandok sang Malay Aklan.
Sa interview sang Bombo Radyo kay Punong Barangay Noel Soliman, iya ginpahayag nga alas 9:00 sang gab-i sang nagsulod ang biktima sa nasambit nga bath house.
Suno kay Soliman, nakibot ang pila ka mga tawo bangud dugay gid nga makagwa si Montoya, rason nga ginpasugu-an ini sa nagabantay agud tan-awun kag didto na nakita ang biktima nga wala na sang kabuhi.
Dugang pa sang natungdan, wala pa natumod kun bala ang dugo nga naglapta ang nagikan sa pilas sang biktima.
Gilayun naman nga gindala ang lawas ni Montoya sa pinakamalapit nga hospital agud madeklara ang iya kamatayun.
