Nasapwan nga wala na sang kabuhi ang isa ka lalaki sa Rayong, Thailand bangud sa adlaw-adlaw nga pag-inom sang beer sa sulod sang masobra isa ka bulan.
Sang damlag lang, ginrespondehan sang mga rescue workers halin sa Siam Rayong Foundation ang isa ka balay sa Ban Chang district sang Rayong agud buligan ang isa ka lalaki nga ginpahayag nga nagsuprir sang seizure kag nalipong.
Sa malain nga palad, antes pa man sila nag-abot, napatay na ang pasyente.
Siya ginkilala nga si Thaweesak Namwongsa, 44-anyos, kag amay sang 16-anyos nga solterito.
Suno sa anak sang biktima, wala na gid sang iban nga ginakaon ukon ginainom ang iya amay sa sulod na sang masobra isa ka bulan.
Nakit-an sa iya kwarto ang masobra 100 ka botelya sang beer.
Ginapatihan nga ang pagbulagay nila sang iya asawa ang reason kun ngaa nagpinahubog na lang ini adlaw-adlaw.
