ILOILO CITY – Gin-athag sang isa ka lalaki nga wala sang abduction nga natabo sa atubang sang La Paz plaza sang nagligad nga gab-i.
Ang gin-alegar nga gin-abduct amo si Laurence John Prieto, 29, residente sang Barangay Caingin, La Paz, Iloilo City.
Sa interview sang Bombo Radyo kay Police Captain Jonah Aguil, hepe sang La Paz Police Station, iya ginpahayag nga personal nga nagpadulong sa ila talatapan si Prieto agud nga klaruhon ang mga pahayag nga pilit siya ginpasakay sa isa ka salakyan.
Suno kay Aguil, nag-upod lamang si Prieto sa iya mga abyan.
Una na nagguwa ang impormasyon nga apat ka tawo ang nagpilit nga makuha si Prieto sa Lapaz Plaza nga malapit man sa estasyon sang pulis.
Wala sang malain nga rekord sa barangay kag sa police station ang nasambit nga lalaki.
