ILOILO CITY – Padayon pa nga ginapangita ang isa ka ginapahayag hubog nga lalaki nga nalumos sa Barangay Sto. Niño Sur, Arevalo.
Ang nalumos amo si John Mark Jumento, 21, construction worker kag residente sang nasambit nga lugar.
Sa interview sang Bombo Radyo sa iya pakaisa nga si Rutchel Galino, iya ginpahayag nga ginlampos ni Jumento ang iya cellphone kag nagdalagan padulong sa baybay.
Ginlagas pa ini sang isa pa nila ka pakaisa apang nagbalik bangud nga tuman ka dalom sang tubig.
Suno pa kay Galino, nagaplano pa si Jumento nga magkadto sa birthday sang iya abyan.
Dugang pa niya, hipuson kag masami nga malipayon si Jumento gani wala sila nakahibalo kun ano ang rason sang hinali niya nga pag-ubog sa madalom nga tubig.
