ILOILO – Isa ka lalaki nga ginapahayag may yara sang mental illness ang nagapanaya sang peke nga pusil ukon gun replica sa diin naghatag sang kabalaka sa mga motorista.
Ang lalaki amo si alyas “Ken”, nga sakay sang pick-up kag nagikan sa Christ the King sa Ungka, Jaro Iloilo City kag nagapadulong sa direksyon sang banwa sang Pavia.
Sa interview sang Bombo Radyo kay Police Major Dadjie Delima, hepe sang Pavia Police Station, iya ginpahayag nga nakabaton ini sang report natuhoy sa insidente rason nga nagresponde ang kapulisan kag natigayon nga ma-intercept si alyas Ken.
Suno kay Delima, sang ginbalabagan ini, ginpapanaog sini ang bintana kag nakit-an ang hampanganan nga pusil.
Ginpahayag dugang sang natungdan nga ginasundan ini sang iya pakaisa nga sakay sang motorsiko kag ginkumpirma nga may deperensiya ini sa paminsaron.
Wala naman nakuha sang kapulisan ang peke nga pusil.
