ILOILO CITY – Nagabitay na sa balayan sang balay sang nasapwan ang lalaki nga ginapahayag may yara sang nervous breakdown sa Zone 12, Brgy. Calaparan, Arevalo, Iloilo City.
Ang biktima ang ginkilala nga si Kirwyn Barcebas, 43, sang nasambit nga lugar.
Sa interview sang Bombo Radyo kay Roberto Barcebas, amay sang biktima, iya ginpahayag nga siya mismo ang nakasapo sa bangkay sang iya anak nga nagabitay sa sulod sang ila hulot.
Suno kay Barcebas, bangud nga indi na siya makakita sang maayo, ginhuna-huna lang niya nga nagatindog ang iya anak apang sang iya nga ginpalapitan kag gin-usisa, iya nahikapan nga may nakahigot nga liston sa liog sang biktima.
Ginpahayag ni Barcebas nga wala man nakasambit ang iya anak nga may yara ini sang problema.
Antes pa man ang insidente, ginpahayag sang amay nga tatlo ka adlaw nga wala nakatulog sang maayo ang iya anak.
