Patay na sang nasapwan ang lalaki nga ginapahayag nakuryente sa Brgy. Lanag, Sta. Barbara, Iloilo.
Ang biktima amo si Rowenito Sirilan, 56, kag residente sang nasambit nga lugar.
Sa interview sang Bombo Radyo kay Police Major Raymond Celoso, hepe sang Sta. Barbara Municipal Police Station, iya ginpahayag nga base sa ila pagpanalawsaw sa pamilya sang biktima, nagakapyot na sa metal nga butang si Sirilan sang nakit-an ini nga wala na sang kabuhi.
Ang metal ang posible may presensya sang kuryente.
Suno kay Celoso, nag-angkon ang biktima sang patal nga pilas sa ulo, sunog sa natuo nga bahin sang kamot kag nawala nga ilok nga amo gintunaan sang kamatayon sini.
Padayon pa ang imbestigasyon sang mga pulis natuhoy sa insidente.
Kumbinsido naman ang pamilya nga wala sang foul play nga natabo.
