ILOILO – Dead on arrival sa St. Pauls Hospital ang lalaki nga gintiro sa likod sang ulo sa dalan Iznart, Iloilo City.
Ang biktima amo si alyas “Jun”, legal ang edad kag nakasuksok sang green nga t-shirt, itom nga dalargo kag tsinelas.
Ang suspek ang wala pa sa gihapon makilal-an.
Sa interview sang Bombo Radyo kay Police Major Francisco Paguia Jr., hepe sang Iloilo City Police Station 1, iya ginpahayag under investigation pa ang identity sang suspek nga nagtiro apang may witness nga nakakita nga nakadalagan ini pakadto sa J. De Leon St., padulong sa Brgy. Nonoy, Iloilo City.
Suno kay Paguia, isa ka lupok sang pusil ang nabatian kag may na recover nga basyo caliber 9m.
Sa subong, yara pa sa gihapon ang biktima sa St. Pauls Hospital.
