ILOILO CITY – Nagpositibo sa COVID-19 ang ginluthang-patay nga lalaki sa Barangay Tabuc Suba, Jaro, Iloilo City.
Ang biktima amo si Enranil Umadhay, 54, residente sang Barangay MH Del Pilar, Jaro, Iloilo City kag nakaserbe man anay bilang barangay kagawad sang nasambit nga barangay.
Sa interview sang Bombo Radyo kay Police Captain Mark Anthony Gesulga, hepe sang Jaro Police Station, iya ginpahayag nga bangud nga protocol sang ospital ang pagpaidalom sa RT-PCR test, nagguwa ang resulta ni Umadhay nga positibo sa virus.
Bangud sini, nangin mabudlay para sa kapulisan nga makuhaan sang pahayag ang pamilya sang biktima bangud sila ang gin-quarantine.
Nahibaluan nga ginluthang sang riding-in-tandem suspects nga nakasuksok sang helmet kag jacket sang biktima sa diin igo sa likod ang naangkon sini.
