Madamo ang halos indi makapati sang istorya sang isa ka lalaki nga sang damlag lang, nakaluwas sa kamatayon sang gintiro ini sang isa man ka lalaki nga iya naka-bais.
Natabo ini sa Colorado sa Estados Unidos sang Amerika kag ginkumpirma mismo sang Commerce City Police Department.
Sa post sang police station, ginpahayag nga nangin mainit ang argumento sa tunga sang duha ka mga lalaki rason nga naimpito ang isa kag gintiro ang biktima sa liog sini.
Apang sang amo nga tion, nag-igu ang bala sang .22 caliber sa kulintas mismo nga ginasuksok sang biktima, kag halos indi mapatihan nga amo ini ang rason kun ngaa wala nagdiretso ang bala sa liog mismo sang lalaki.
Ginpakita sang pulis ang silver chain nga may dugo pa, ginapahayag nga ten millimeters lang ang kalaparon, kag amo ini suno sa otoridad ang isahanon ga rason nga buhi pa ang biktima.
“This silver chain — approximately 10 millimeters in width — is likely the only reason the victim of a shooting we responded to yesterday is still alive,” suno sa police department. “The .22 caliber bullet … [became] lodged in the chain he was wearing.”
Suno sa otoridad, puncture wound lamang ang naangkon sang lalaki apang ginapatihan nga kun wala ang metal necklace, pat-od nga patal gid ang iya pilas.
“Side note– we don’t know what kind of metal this is, but it’s likely not pure silver. We looked it up… and silver is soft. So maybe think twice before you knock a knockoff. Just incredible,” dugang sa post sang pulis nga nag-viral.
Arestado naman ang suspek kag nagapangatubang sang kaso nga homicide.
Madamo naman ang nagkomento nga nagapati sila nga magluwas sa silver necklace, isa ka divine intervention ang natabo kag basi suno sa ila, indi pa gid man tyempo sang lalaki nga madula diri sa kalibutan.
