Paano kun nagbugtaw ka nga wala ka na sang sag-ang?
Mahilibion ka gid kaangay sang natabo sa isa ka pasyente sa Roma.
Ini nga 35-anyos nga lalaki ang nagkadto sa Umberto I Dental Clinic para nga ipa-extract kuntani ang iya nga wisdom tooth kag cyst.
Matapos ang biopsy sa cyst, ginhambalan ang lalaki nga may “malignant” tumor na na ini gani kinahanglan nga kuhaon ang iya sag-ang paagi sa surgery.
Nagsugot siya sa operasyon para nga makaluwas sa balatian gani nga pagkatapos sang surgery, nakaangkon ini sang permanent facial damage partikular sa tuo nga bahin sang iya baba.
Isa ka bulan ang nagligad, tuman ang iya kakibot sa follow-up tests sa tumor bangud negatibo na ang resulta.
Ginsilingan man ini nga indi na kinahanglan ang chemotherapy. Nagpangayo ini sang second opinion, kag sang gin-check ang pareho man nga biological material sa lain nga laboratory sa Catholic University of Rome, natukiban nga wala man siya sang tumor. Ang mas malala, natukiban man niya nga indi na kuntani kinahanglan nga magpaidalom siya sa surgery.
Natukiban sini sa ulihi nga nasimpon gali sang staff sa Umberto I Dental Clinic ang resulta. Iya ini sang pasyente nga may malignant tumor sa iya nga sag-ang.
Indi mahangpan sang lalaki ang iya batyagon subong bangud buhi siya, healthy, kag wala sang fatal disease, apang daku na ang nangin kulang sa iya nawong.
Nagpasaka man sang kaso ang lalaki batok sa hospital kag nagpanukot sang damages. Nagapadayon naman ang imbestigasyon sa natabo nga medical mix-up.
