BAROTAC VIEJO, ILOILO – Yara na sa kustodiya sang otoridad ang isa ka lalaki nga masami nagapakawal sang armas-luthang sa Brgy. San Geronimo, Barotac Viejo, Iloilo.
Suno kay Police Captain Kenn Albert Lepsia, hepe sang Barotac Viejo Municipal Police Station, ang arestado amo si Erwin Licera, 34 anyos sang nasambit nga lugar.
Nakuha kay Licera ang indi lisensyado nga 9 mm pistol, 2 ka magazine kag mga bala lakip na ang isa ka sling bag.
Natigayon ang search warrant application kasunod sang impormasyon nga ginpalab-ot sang informant.
Sa subong, ginahibalo pa sang otoridad ang tuhoy sa record ni Licera kag sang nasambit nga armas-luthang.
