Dead on arrival ang isa ka college student matapos nadisgrasya sa Brgy. Lico-an, Barotac Nuevo, Iloilo.
Ang biktima amo si Novie John Esmolina Samuel, 20, residente sang Brgy. Merced, Banate, Iloilo.
Sa interview sang Bombo Radyo Iloilo kay Police Captain Cedrick Cruz, hepe sang Barotac Nuevo Municipal Police Station, iya ginpahayag nga padulong ang biktima sa iya eskwelahan sang natabo ang aksidente.
Suno kay Cruz, tuyo kuntani sang biktima nga mag overtake sa elf truck kaso nadulaan sang control rason nga ini siya
nga natumba.
Base sa imbistigasyon, wala sang sala ang elf truck, tungod natumba na ang biktima bag-o ini nakabunggo ang ginamaneho nga motorsiklo nalikod nga bahin sini.
Sa subong, temporaryo naman nga gin-costudy ang truck kag mismo ang driver sini sa Barotac Nuevo MPS.
