Lalaki nga may kaso nga Reckless Imprudence Resulting to Homicide, ginserbehan sang Warrant of Arrest sa Ajuy, Iloilo

Dakop ang 26 anyos nga lalaki matapos ginserbehan sang warrant of arrest sa kaso nga reckless imprudence resulting to homicide sa Ajuy, Iloilo.

Sa interview sang Bombo Radyo kay PMSg. Gregory Barbo, imbestigador sang Concepcion Municipal Police Station, iya ginpahayag nga 2019 sang nabunggu-an sang tricycle ni Adonis Amante, 26, sang Barangay Tagubanhan, Ajuy, Iloilo ang manunudlo nga nagalakat sa Barangay Agnaga, Concepcion, Iloilo.

Nagalab-ot naman sa P30,000 ang pyansa nga kinahanglan agud temporaryo nga makaguwa sa presohan ang lalaki.

Samtang nagapabilin na subong sa kustodiya sang Concepcion Municipal Police Station si Amante.