Ang kada tawo, may pinasahi gid nga kinaiya sa nawong man ukon sa diin nga parte sang lawas.
Halimbawa diri amo ang Japanese internet celebrity nga si @Jonouchich1 nga may yara sang malaba nga sulang nga amo ang rason nga nakilala siya sa social media.
Siya ang masami nga ginasuyaan bangod sa iya sulang nga daw makasarang magbuno kag ginakumpara sa mga anime characters nga may malaba kag taliwis nga sulang ukon babalo.
Apang ini ang gingamit niya agud maka-attract sang atensyon.
Madamo sa mga fans niya ang naghambal nga magpa X-ray siya nga iya man gintuman.
Suno sa mga doktor wala pa sila nakakita sang tawo nga may babalo kaangay sang iya apang ginalantaw nga posible ini may kaangtanan sa genes.
Apang ginapatihan naman ni Jonouchich nga bangod mahilig siya mag-inom sang gatas, posible nga ang tanan nga calcium nagkadto lang sa iya babalo apang wala naman ginbaton sang mga doktor ang ini nga rason.
Sa subong, apisar nga ginasuyaan ang iya sulang kag kun kaisa gina-reject pa sang mga babaye, ginakabig naman niya ini nga asset.
