ILOILO CITY- Naluthangan- patay ang isa ka lalaki sa Brgy. Mat-y, Miagao, Iloilo.
Ang biktima amo si Pio Javier, isa ka pharmacist kag nagapanag-iya sang isa ka botika sa banwa kag bana sang isa ka doktor.
Ang suspek amo naman si Renato Predecilla,residente sang Brgy. Mat-y kag ginapatihan nga nagasuprir sang nervous breakdown.
Igo sa guya nga naglusot sa ulo ang naangkon sang biktima.
Sa interview sang Bombo Radyo kay Miagao Mayor Richard Garin, iya ginpahayag nga base sa imbestigasyon sang kapulisan, nagpadulong sa lugar si Javier agud maglantaw sa lote nga plano sini kuntani nga baklon.
Suno sa iya, nakaistoryahanay pa ang duha antes nagsulod sa ila balay ang suspek kag paggwa sini, may dala na nga armas kag ginluthang ang biktima.
Matapos ang insidente, gilayon nga nagsulod sa ila balay ang suspek.
Sang nagresponde ang kapulisan, ginpahayag nga nagbato pa ang suspek kag nagpalupok.
