NUEVA VALENCIA, GUIMARAS – Patay na sang nasapwan ang isa ka lalaki sa Sitio Guisi Dolores Nueva Valencia Guimaras.
Ang biktima ang ginkilala nga si Isagane Magabilin, 67 anyos kag residente sang nasambit nga lugar.
Nahibaluan nga may sakit nga tuberculosis ang biktima kag mahimo ini ang gintunaan sang iya kamatayon.
Sa interview sang Bombo Radyo kay Isagani Magabilin Jr, anak sang biktima, iya ginpahayag nga may yara sang gina-inom nga bulong ang iya amay.
Suno pa iya nga nagapanigarilyo ang iya amay rason ng a nagabalik-balik ang sakit sini.
Wala naman sang nakita nga foul play ang pamilya sa kamatayun sang biktima.
