Ginkadismaya sang Punong Barangay sang Lopez Jaena, Jaro, Iloilo City ang vandalism nga gin-ubra sa ila nga pader.
Sa interview sang Bombo Radyo kay Punong Barangay Bitoy Santiago, iya ginpahayag nga sa main road, sa atubang sang isa ka simbahan, isa ka lalaki ang nakit-an nga nga nagapangkuris sang dingding.
Suno kay Santiago, sang may nakakita nga isa ka residente, gilayon niya ini nga gin-citizen arrest kag gindala sa barangay hall.
Sa amo nga tion, naglisensya ang lalaki nga magpangihi apang, gikakibot lamang nila sang may nahulog sa basurahan samtang nagaduko-duko ang amo nga indibidwal.
Dugang sang opsiyal, nagtawag sila sang pulis agud ma-report ang amo nga hitabo bangud ginapahayag nga iligal nga druga ang nahulog halin sa lalaki.
Ginlaragway man sini nga naka-sachet ang nadagdag nga substance halin sa lalaki.
Gin-turnover naman sa otoridad ang nasambit nga indibidwal para sa nagakaigo nga disposisyon.
