Patay ang 22-anyos nga lalaki sa Beijing, China matapos gin-ubos inom ang unod sang 1.5-liter bottle sang Coca-Cola sa sulod lamang sang 10 ka minutos.
Sandig sa report sang Clinics and Research in Hepatology and Gastroenterology, gin-ubos inom sang wala ginhingadlan nga lalaki ang soft drink bangud luyag niya mangin hydrated bangud tuman kainit sang tyempo.
Anum ka oras pagkatapos, nagpadulong siya sa Chaoyang Hospital sa Beijing bangud sang swollen stomach kag severe pain.
May elevated heart rate ang pasyente, low blood pressure kag rapid ang pagginhawa pag-abot sa opital apisar nga wala man siya sang daan nga mga balatian sa lawas.
18 ka oras ang nagligad, ginbawian siya sang kabuhi.
Suno sa mga eksperto, may gas buildup nga natabo sa lawas sang biktima bangud sang tuman ka damo nga soft drink nga iya nainom.
Nadiskubrehan nga ang gas buildup ang nag-umpisa sa iya intestines, nagkadto sa liver, kag amo ang nangin rason sang hepatic ischemia ukon “shock liver.”
