Lalaki nga nag-masturbate sa sulod sang unibersidad kag nagapangawat sang underwears, naaresto

ILOILO CITY – Naaresto sang mga otoridad ang isa ka lalaki matapos mag-masturbate sa atubang sang mga estudyante sa sulod mismo sang Central Philippine University campus sa Iloilo City.
Sa interview sang Bombo Radyo sa suspek nga ginkilala lang kay alyas Toto, 46, kag residente sang Pilar, Capiz, nadumduman sini ang isa ka matahom nga babaye nga iya nakilala sa Jaro, Iloilo City rason nga nag-masturbate.
Ginhimo ini sang suspek sa guwa mismo sang comfort room sang mga babaye sa sulod sang unbersidad.
Suno sa mga estudyante, nakibot sila nga sa pagguwa sa comfort room, nakit-an si Toto nga naga-masturbate.
Wala magustuhan sang suspek nga naistorbo ang iya pag-masturbate matapos ini nga gin-aresto sang mga otoridad.
Ang nasambit nga suspek ang ginatudlo nga nagapangawat sang mga underwears sang mga estudyante sa mga dorm kag boarding houses malapit sa nasambit nga unibersidad.